احنا مين؟

احنا مجموعة من المصرين المقيمين في البرازيل هدفنا من انشاء الموقع هو تدعيم الروابط الاجتماعية بين ابناء الجالية المصرية في البرازيل.

هنسعي دئما للتطوير وتوسيع المشاركة من خلال تبادل الافكار مع بعضنا عشان نساهم كلنا ان الموقع ده يكون مفيد للجميع من خلال الاخبار والمعلومات الهامة الي هيحتوي عليها  كمان يكون دليل شامل عن الحياة في البرازيل وعن الجالية .

عندنا طموح كبير وافكار ومبادرات تجمع المصرين مع بعض وتقوي الروابط بينهم واحنا بدورنا هندعم جميع المبادرات الي هتعود علي الجالية المصرية بالنفع والخير مثل مبارده إنشاء “البيت المصري في البرازيل” كما هو الحال في عدد من دول المهجر زي استراليا وكندا وانجلترا وغيرها والي بيقوم بدور كبير في لم شمل الجالية  ومساعدة ابنائها في الخارج من خلال العديد من الخدمات كمان الوقوف جنب بعض في الازمات وتوفير فرص عمل وحل  المشاكل ومواجه التحديات الي بنواجهها  .

هنفتح المجال لكل من يحب ان يشارك تجربتة او خبراتة من خلال انشاء قسم داخل الموقع باسم  “ملتقي المصريون “ و هو منتدي عام للتفاعل والمشاركه بين ابناء الجالية في البرازيل وخارجها .

هنتبني مبادرة توصل اصحاب الاعمال المصرين باصحاب الخبرات والباحثين عن عمل من ابناء الجاليه ! و هنسلط الضوء علي اصحاب الاعمال و المشاريع الصغيرة ونهتكلم عنهم  وعن نجاحتهم !

في النهاية ارجو ان يساهم هذا الموقع بشكل ايجابي في توحيد جاليتنا وتقدمها .

مدير موقع
المصريون في البرازيل